Selasa, 17 Juli 2007

Sedikit tentang tanah kita,.......

Lorong dininiak moyang kito - asa usua kalau dikaji didalam tambo lamo - sapiah balahan tigo jurai. Sajurai ka banda cino - sajurai ka banua Ruhum- nan sajurai ka Minangkabau.
Pihak di Sutan Maharajo Dirajo - taniat di dalam hati - tacinto didalam kiro-kiro - ba laia inyo maso itu diateh dandang nan sabuah - cukuik jo urang cadiak pandai.
Dek lamo dandang balaia - didalam lauik baharulah - tampaklah api takijok-kijok - gunuang suatu maso itu diateh puncak langgapuri - banamo gunuang marapi-sinan sirangkak nan badangkang - sarato buayo putiah daguak - di batu ampa putiah di bukik patah patigo - banamo si guntang-guntang.
Dimano titiak palito,
Dibaliak telong nan batali.
Dimano asa niniak kito,
Iyo dipuncak gunuang marapi.

sumber : Tambo Alam

Tidak ada komentar: